Fornleifagreftri lokið í sumar

Það hefur verið órjúfanleg sönnun þess að sumarið er komið þegar fornleifafræðingarnir koma í Ólafsdal til að halda áfram rannsóknum sínum á víkingaskálanum og umhverfi hans. Nú eru sumarfuglarnir búnir að pakka saman og flognir suður þar sem fram undan eru frekari rannsóknir á því sem fannst eða kom í ljós í sumar. Við eigum svo eftir að njóta ávaxtanna síðar. Á þessari stundu er ekki vitað annað en þetta hafi verið síðasta sumarið sem fornleifauppgröftur fer fram í Ólafsdal að minnsta kosti að svo komnu máli. Sérlega gaman hefur verið að fylgjast með þeim uppgötvunum sem átt hafa sér stað. Ólafsdalsfélagið vill þakka öllum sem dvalið hafa eða komið í Ólafsdal í tengslum við rannsóknina fyrir þeirra framlag.

https://www.facebook.com/fornleifastofnunislands

Sumaropnun 2020

Þær ánægjulegu aðstæður hafa skapast að félaginu stendur nú til boða að hafa íbúðar- og skólahúsið í Ólafsdal til afnota í 5 vikur í sumar.

Við munum því geta haft opið hús líkt og undanfarin sumur frá 11. júlí til 16. ágúst. Opið verður frá 11-17 alla dag.

Allir velkomnir í heimsókn.

Forleifarannsóknir halda áfram

Með framlagi Fornminjasjóðs og stuðningi Minjaverndar halda fornleifarannsóknir í Ólafsdal áfram. Áætlað er að ljúka við uppgröft á skálanum og grafa upp jarðhýsi norðan við hann. Frekari leit verður einnig gerð með greftri könnunaskurða. Í sumar er reiknað með liðsauka frá Háskólanum í Durham á Englandi.

Á myndinn sést hreinsunartæki til að fleyta sýnum úr gólfum víkingaskálans. Tunnan er fyllt af vatni og jarðvegssýni, nokkrum lítrum í senn, hellt út í.  Í vatninu skiljast sundur agnir af ólíkri gerð og þyngd: Kolaðar leifar, sem geta innihaldið fræ og brenndan við, fljóta upp og renna í sigti með ólíkri möskvastærð til frekari rannsóknar. Þyngri agnir, t.d. smásteinar og gripir, sökkva og lenda í síu ofan í tunnunni.  Afgangurinn er fínkornóttur jarðvegur sem fellur til botns.

Í baksýn sjást smiðir frá Minjavernd sem vinna að því að endurbyggja gamla fjósið sem gistirými.

Heitt vatn finnst í Ólafsdal

Nú hafa heldur betur orðið tíðindi í dalnum okkar. Laugardaginn 2. nóvember komu bormenn niður á heitt vatn eins og fram kemur í frétt Skessuhorns.

Við óskum Minjavernd og Ólafsdal til hamingju með þennan kærkomna fund, þetta breytir miklu fyrir framtíð staðarins.

Látum Skessuhorn um að lýsa þessu nánar með því að smella á þennan hlekk.

 

Sýningin Sjónarfur um ,,son“ Ólafsdals Sigmund Guðmundsson

Okkur langar til að benda fólki á sýningu Landsbókasafnsins – Háskólabókasafns um þennan ,,son“ Ólafsdals. Enn eitt dæmið um hve mikil uppspretta og nýjunar eiga uppruna sinn að rekja til Ólafsdals.

Sýningarskrá

Fjölsótt Ólafsdalshátíð 2018

Ólafsdalshátíðin var haldin í einstakri veðurblíðu laugardaginn 11. ágúst. Tæplega 100 manns skoðuðu fornleifauppgröftinn undir leiðsögn Birnu Lárusdóttur um morguninn. Um hádegi var straumur fólks í dalinn til að ná glæsilegri hátíðardagskrá og markaði. Nokkrar myndir frá hátíðinni eru komnar á facebook síðu Ólafsdal. Í lok hátíðar var svo dregið í happdrættinu. Nokkrir vinningar eru ósóttir:
Miði 227: Amma mús – handavinnuhús: útsaumspakki (tveir púðar)
Miði 296: Amma mús – handavinnuhús: útsaumspakki (tveir púðar)
Miði 396: Hlið á Álftanesi (c/o Fjörukráin): gisting fyrir tvo með morgunmat.
Miðið 424: Fjörukráin: sælkerakvöldverður fyrir tvo.
Eigendur miðanna eru hvattir til að vitja vinninganna hjá Rögnvaldi, formanni Ólafsdalsfélagsins, sími 6932915, netfang rognvaldur@rrf.is

Ólafsdalshátíðin 2018 – dagskrá og vinningaskrá

Dagskrá Ólafsdalshátíðarinnar 2018 er fjölbreytt og fræðandi. Allir eru velkomnir í dalinn 11. ágúst nk. og enginn aðgangseyrir.

Vinningaskrá í Ólafsdalshappdrættinu:

  1. Glæsilegur ferðavinningur.
  2. Hótel Rangá: Deluxe gisting fyrir tvo með morgunmat. Verðgildi um 50.000 kr
  3. Íslandshótel (eitthvert þeirra): Gisting fyrir tvo m. morgunmat. Verðgildi um 35.000 kr
  4. Hótel Laxá í Mývatnssveit: Gisting fyrir tvo með morgunmat. Verðgildi um 35.000 kr
  5. Bílaleigan Höldur: Bílaleigubíll í A flokki í þrjá daga. Verðgildi um 30.000 kr
  6. Hlið á Álftanesi: Gisting fyrir tvo með morgunmat. Verðgildi um 24.000 kr
  7. Fjörukráin í Hafnarfirði: Sælkerakvöldverður fyrir tvo. Verðgildi um 14.000 kr
  8. Kjörbúðin í Búðardal: Revlon hárblásari með bursta. Verðgildi um 8.000 kr
  9. Kjörbúðin í Búðardal: Borðspilið „Beint í mark“. Verðgildi um 8.000 kr
  10. Krauma við Deildartunguhver: Bað og spa fyrir tvo. Verðgildi 7.600 kr
  11. Landbúnaðarsafn Íslands á Hvanneyri: Bókin Íslenskir sláttuhættir eftir Bjarna Guðmundsson prófessor (2015). Verðgildi 6.800 kr
  12. Landbúnaðarsafn Íslands á Hvanneyri: Bókin Íslenskir heyskaparhættir eftir Bjarna Guðmundsson prófessor (2018). Verðgildi 6.000 kr
  13. Klausturkaffi á Skriðuklaustri: Kaffihlaðborð fyrir tvo. Verðgildi um 5.000 kr
  14. Helf Design (á Ólafsdalsmarkaði): Handverk að eigin vali. Verðgildi um 5.000 kr
  15. Kjörbúðin í Búðardal: Borðspilið „Krakka Alias“. Verðgildi um 5.000 kr
  16. VorkX (á Ólafsdalsmarkaði): Kertastjaki að eigin vali. Verðgildi um 4.500 kr
  17. ON: Aðgangur fyrir tvo að jarðhitasýningu í Hellisheiðarvirkjun. Verðgildi 3.900 kr
  18. ON: Aðgangur fyrir tvo að jarðhitasýningu í Hellisheiðarvirkjun. Verðgildi 3.900 kr
  19. Síldarminjasafnið á Siglufirði: Aðgangur fyrir tvo. Verðgildi 3.600 kr
  20. Snorri Helgason. „Vittu til“ geisladiskur frá 2017. Verðgildi um 3.000 kr
  21. Snorri Helgason. „Vittu til“ geisladiskur frá 2017. Verðgildi um 3.000 kr

Ath. Líklega bætast nokkrir vinningar við fyrir hátíðina.

Fornleifarannsóknir í Ólafsdal

 

Við fornleifaskráningu í Ólafsdal fundust rústir sem aldursgreindar hafa verið til 9. eða 10. aldar. Fornleifastofnun Íslands mun hefja rannsóknir sumarið 2018 í samvinnu við Minjavernd.

Útlínur skála við Tunguholt, nærri Ólafsdalsánni.

Rústaþyrpingin fannst á Tungunni innarlega í Ólafsdal, milli ánna. Þar eru nokkrar byggingar, m.a. aflöng rúst yfir 20 m löng með bogadregnum langveggjum og niðurgrafin sporöskjulaga rúst við enda hennar. Hvoru tveggja gat verið til marks um háan aldur, sennilega víkingaöld. Haustið 2017 var grafinn könnunarskurður og komið niður á gólflag og eldstæði. Öskusýni sem send voru til aldursgreiningar í Glasgow benda til þess að rústin sé frá 9. eða 10. öld.

Hægt er að fylgjast með verkefninu á Facebooksíðu rannsóknarinnar.

Fjölsótt Ólafsdalshátíð 2017

Ólafsdalshátíðin 2017 var sú fjölsóttasta frá upphafi enda dagskráin vegleg og veðrið lék við hátíðargesti.

Stjórn Ólafsdalsfélagsins færir öllum gestum og þeim sem lögðu sitt af mörkum í þágu hátíðarinnar, bestu þakkir.

Enn eru nokkrir vinningar ósóttir.

Þeir komu á miða nr. 86, 333, 381, 422, 458, 499 og 567 eins og sjá má á meðfylgjandi mynd.

Vinninganna má vitja hjá Rögnvaldi Guðmundssyni, formanni Ólafsdalsfélagsins; rognvaldur@rrf.is, farsími 6932915.

Víkingaaldarminjar í Ólafsdal?

Ólafsdalshátíðin hófst á sögugöngu undir leiðsögn Birnu Lárusdóttur fornleifafræðings. Efni þeirrar sögugöngu hefur vakið nokkra athygli enda mögulega fundnar minjar frá víkingaöld í dalnum. Hér má sjá frétt Skessuhorns um gönguna.