Færslur

Ólafsdalur, perla sem allir þurfa að heimsækja

Ólafsdalur er merkur sögu – og minjastaður við sunnanverðan Gilsfjörð, um 6 km frá veginum yfir Gilsfjarðarbrúna. Þar var fyrsti búnaðarskóli Íslands stofnaður af frumkvöðlinum Torfa Bjarnasyni árið 1880, fyrir 135 árum. Auk þess er nú 100 ártíð Torfa (d. 1915).

Í Ólafsdal verður opið alla daga í sumar kl. 12:00-17:00 fram til 16. ágúst. Umsjónarmenn verða hjónin Elfa Stefánsdóttir tómstundafræðingur og Haraldur Baldursson tæknifræðingur. Sýningar eru þar um sögu Ólafsdalsskólans, konurnar í Ólafsdal o.fl., en auk þess er skólahúsið sjálft frá 1896 fallegt og skoðunarvert. Í sumar verður þar boðið upp á kaffi, rjómavöfflur og ís frá rjómabúinu á Erpsstöðum. Einnig geta gestir fræðst um lífræna rækun grænmetis í Ólafsdal og keypt það á staðnum. Fræðslustígur er í Ólafsdal og góðar gönguleiðir í fallegum umhverfi. Staðurinn er því ein af þessum perlum á Íslandi sem allir þurfa að heimsækja.

Ólafsdalshátíð verður að þessu sinni haldin laugardaginn 8. ágúst. Verður dagskráin fjölbreytt og fjölskylduvæn að vanda; tónlistaratriði, skemmtun fyrir börnin, áhugaverð erindi, vandaður handverksmarkaður og veitingar. Þá verður lífrænt vottað Ólafsdalsgrænmeti til sölu og glæsilegt Ólafsdalshappdrætti.

Events

Ólafsdalshátíð 2021

Ólafsdalshátíð, laugardaginn 14. ágúst 2021, sú þrettánda í röðinni og fjölskylduvæn að vanda.

Aðaldagskráin verður kl. 13-17.

 

 

 

 

 

Katrín Jakobsdóttir forsætisráðherra mun halda opnunarávarp hátíðarinnar.

Lalli töframaður skemmtir gestum, sem og tónlistarmenn og aðrir skemmtikraftar.

Gönguferðir og fræðsluferðir með leiðsögn (fyrsta kl. 11).

Veglegt Ólafsdalshappdrætti verður einnig á sínum stað.

Er það von stjórnar Ólafsdalsfélagsins að enn fjölgi þeim gestum á hátíðinni sem kjósa að verja helginni í Dölum, Reykhólasveit eða nágrenni, auk þess sem við viljum fá sem allra flesta heimamenn og nágranna á staðinn.