Hin árlega niðursetning lífræns ræktaðs Ólafsdalsgrænmetis er nú á næsta leiti.

Laugardaginn 1. júní bjóðum við alla velkomna í skemmtilega vinnuferð í góðum félagsskap.

Sett verður niður í matjurtagarðinn, en einnig hugað að stikum við gönguleiðir og fleiri vorverkum.

Ólafsdalsfélagið býður sjálfboðaliða velkomna í þessa gefandi útiveru þar sem tækifæri gefast til að njóta útivistar í sveitinni við ýmis verkefni.

Áætlað er að hafist verði handa kl. 11 og gert ráð fyrir að verklok verði um kl. 16.

Hlökkum til að sjá sem flesta, því fleiri því betra, því margar hendur vinna létt verk.